වෛද්‍ය සභාවේ කෝන්තරයක් නිසා රුසියානු පුර්ණ ශිෂ්‍යත්ව 40 ක් අහිමි වේ!

වෛද්‍ය සභාවේ කෝන්තරයක් නිසා රුසියානු පුර්ණ ශිෂ්‍යත්ව 40 ක් අහිමි වේ!

මෙරට සිසුන්ට වෛද්‍ය උපාධිය හැදෑරීම සඳහා මෙතෙක් පිළිගෙන තිබූ රුසියානු විශ්වවිද්‍යාල තුනක් ශ්‍රී ලංකා වෛද්‍ය සභාව විසින් අනුමත ලේඛනයෙන් ඉවත් කිරීම හේතුවෙන්

මෙරට උසස් පෙළ විභාගවලින් ඉහලම සුදුසුකම් ලබාසිටින සිසු සිසුවියන් 40කට මේ වසරේ රුසියානු ශිෂ්‍යත්ව අහිමිවීමේ තත්වයක් මතුව තිබේ.

2020 ජුනි 26 වන දින පැවති ශ්‍රී ලංකා වෛද්‍ය සභා රැස්වීමේදී මෙතෙක් අනුමැතිය ලබාදුන් විදේශීය වෛද්‍ය විද්‍යාල නාමාවලියෙන් පූර්ණ ශිෂ්‍යත්ව ලබා දෙන රුසියානු විශ්වවිද්‍යාල සියල්ල ඉවත් කර ඇති හෙයින් මේ වර්ෂය සඳහා ද ඉන්පසුව ද ශ්‍රී ලංකාවට ලැබීමට නියමිත වෛද්‍ය ශිෂ්‍යත්ව සියල්ල අහිමි වෙමින් පවතී.

අනුමැතිය ලබාදී ඇති එකම රුසියානු වෛද්‍ය විශ්වවිද්‍යාලය මගින් පූර්ණ වෛද්‍ය ශිෂ්‍යත්ව ශ්‍රී ලංකාවට ලබා නොදෙයි.

අනුමත ලේඛනයෙන් ඉවත් කර ඇති විශ්වවිද්‍යාල අතර අතීතයේ ලුමුම්බා (Lumumba) නමින් පැවති විශ්වවිද්‍යාලය ද වේ. එම විශ්වවිද්‍යාලය වර්තමානයේ හැඳින්වෙන්නේ ජනතා මිත්‍රත්ව විශ්වවිද්‍යාලය (Peoples' Friendship University of Russia) නමිනි. ලෝක ශ්‍රේණිගත ලේඛනයේ 392 වැනි ස්ථානයේ මෙම විශ්වවිද්‍යාලය පවතී.

මොස්කව් හි අතිශයින් ජනප්‍රිය පහත සඳහන් විශ්වවිද්‍යාල දෙක ද වෛද්‍ය සභාව විසින් අනුමත ලේඛනයෙන් ඉවත්කර ඇත.

Pirogov Russian National Research Medical University

Tver State Medical University

Tver State Medical UniversityPeoples' Friendship University of Russia

මෙම කප්පාදුව සම්බන්ධයෙන් කළ විමසීමක දී ශ්‍රී ලංකා වෛද්‍ය සභාවේ ලේඛකාධිකාරී වෛද්‍ය ආනන්ද හපුගොඩ පවසා ඇත්තේ, අනුමත විදෙස් විශ්වවිද්‍යාල සම්බන්ධයෙන් වසර පහකට වරක් කරන පසු විපරමකින් පසු කවර විශ්වවිද්‍යාල ඉවත් කර කවර විශ්වවිද්‍යාල තවදුරටත් තබාගත යුතුද යන්න තීරණය කරන බවයි.

එලෙස ඉවත් කරන දිනය වන විටත් අධ්‍යාපන ලබමින් සිටින සිසුන්ට වෛද්‍ය සභාවේ ලියාපදිංචිය සම්බන්ධයෙන් ගැටලුවක් ඇති නොවන බවද ලේඛකාධිකාරීවරයා වැඩිදුරටත් කියා සිටියි.

sri lanka medical council

රුසියාවේ අධ්‍යාපන ලැබූ වෛද්‍යවරු පිලිබඳ කෝන්තරයක් !

කෙසේවුවද මේ සම්බන්ධයෙන් අප වෙත අදහස් දැක්වූ රුසියාවේ අධ්‍යාපනය ලැබූ රජයේ ප්‍රකට රෝහලක පරිපාලන වෛද්‍ය විශේෂඥයකු පැවසුයේ, රුසියාවේ අධ්‍යාපනය ලැබ මෙරට රජයේ රෝහල්වල සේවයකරන වෛද්‍යවරුන් සම්බන්ධයෙන් ශ්‍රී ලංකා වෛද්‍ය සභාවේ ඇතැමුන් තුල කාලාන්තරයක් පුරා කෝන්තරයක් තිබෙන බවයි.

ඒ සම්බන්ධයෙන් ඔහු තවදුරටත් මෙසේ සඳහන් කළේය.

''හැටේ දශකයේ ඉඳලා ආසියානු ශ්‍රී ලංකා මිත්‍රත්ව ගිවිසුම යටතේ මෙරට ශිෂ්‍ය ශිෂ්‍යාවන්ට වෛද්‍ය විද්‍යාව ඇතුළු විවිධ ක්ෂේත්‍රයන් සඳහා රුසියානු රජය විසින් පූර්ණ ශිෂ්‍යත්ව රැසක් දීලා තියනවා. ඒ කියන්නේ මේවනවිට රුසියානු ශිෂ්‍යත්වලාභී ශ්‍රී ලාංකිකයින් 5000 කට වඩා ඉන්නවා.

එවැනි පුර්ණ ශිෂ්‍යත්ව ලැබූ වෛද්‍යවරුන් 1000 කට ආසන්න පිරිසක් මේවනවිටත් රටපුරා රෝහල්වල සේවය කරනවා. කොළඹ, කළුබෝවිල වැනි ජාතික රෝහල්වල පරිපාලන නිලධාරීන් වශයෙන් දසක ගණනාවක් කටයුතු කරන්නේ රුසියාවේ අධ්‍යාපනය ලැබූ වෛද්‍යවරුන්.

වෛද්‍ය සභාව විසින් අනුමත ලේඛනයෙන් ඉවත් කරලා තියන විශ්වවිද්‍යාල තුනම ජාත්‍යන්තර ශ්‍රේණිගත කිරීම අනුව ඉහලින් සිටින විශ්වවිද්‍යාල තුනක්. ලුමුම්බා විශ්ව විද්‍යාලය ඒ අතරින් ඉදිරියෙන්ම ඉන්නවා.

හැටේ හැත්තෑවේ කලේ මේ විශ්ව විද්‍යාලයට කොමියුනිස්ට් පක්ෂයේ සාමාජිකයින්ගේ දරුවන් සීමිත ගණනකට නොමිලේ ශිෂ්‍යත්ව ලැබුනා. එත් දැන් මේ විශ්ව විද්‍යාලයට ගන්නේ උසස් පෙළ A තුනක් විතර තියන ළමයි. අනෙක දැන් එදාටත් වඩා මේ විශ්ව විද්‍යාලවල ප්‍රමිතිය ඉහලයි.''

වෛද්‍ය සභාව විසින් ගත් තීන්දුව පැහැදිලි ලෙසම රුසියාව හැල්ලුවට ලක්කිරීමක් බවද එම වෛදවරයා වැඩිදුරටත් කියා සිටියේය.

ජනාධිපතිවරයා වෙත දැනුවත් කිරීමක් ....

රුසියානු රජය මගින් ශ්‍රී ලංකාවට පූර්ණ ශිෂ්‍යත්ව හතළිහක් මෙම අවුරුද්දේ පිරිනමා ඇති අතර වෛද්‍ය විද්‍යාව සඳහා පූර්ණ ශිෂ්‍යත්ව 5ක්ද ලබා දී ඇත.

මෙම ශිෂ්‍යත්ව වල මූලික පරමාර්ථය මෙරට වෛද්‍ය ක්ෂේත්‍රයේ සඳහා වෛද්‍යවරුන් බිහිවන බිහි කිරීම වන අතර රුසියානු රජය එයින් කිසිදු ප්‍රතිලාභයක් නොලබයි.

රාජ්‍යයන් අතර පවතින සම්බන්ධතා ශක්තිමත් කිරීමට මෙම ප්‍රදානය මගින් සිදු කරයි.

මෙම සඳහා සුදුසුකම් සහිත ශිෂ්‍ය ශිෂ්‍යාවන් තෝරාගනු ලබන්නේ උසස් අධ්‍යාපන අමාත්‍යාංශයේ නිල වෙබ් අඩවියේ අයදුම්පත් ප්‍රකාශයට පත්කරමිනි.

ශ්‍රී ලංකා වෛද්‍ය සභාවේ අන්තනෝමතික ක්‍රියාවක් නිසා රුසියානු ශිෂ්‍යත්ව අහිමි වීම සම්බන්ධයෙන් එම ශිෂ්‍යත්වලභින් පසුගියදා ජනාධිපතිවරයාව ලිඛිතව දැනුවත් කර තිබිණ.

වෛද්ය සභව

වෛද්ය සභාව